OsmAnd (OSM Automated Navigation Directions) est un'aplicatzione pro sa consultatzione de mapas e su nàvigu chi impreat sos datos lìberos, vàlidos pro totu su mundu, e de calidade arta de OpenStreetMap (OSM). Imprea sa ghia vocale e sas indicatziones in s'ischermu, càstia sos PDI (puntos de interesse), crea e manìgia rastas GPX, abìlita sa visualizatzione de sas curvas de livellu e sos datos de s'artària (pro mèdiu de un'estensione), issèbera sa modalidade intre ghia pro sa màchina, sas bitzicletas e a pee, agiuda a megiorare sas mapas OSM e àteru meda.

OsmAnd+ est sa versione intrea de custa aplicatzione. Pro praghere faghe una donatzione pro suportare su progetu, finantziare s'isvilupu de funtzionalidades noas e retzire sos ùrtimos agiornamentos.

Unas cantas de sas funtzionalidades printzipales:
Navigatzione
• Podes isseberare intre sa modalidade non in lìnia (non b'ant a èssere pagamentos cando ses in s'esteru) o in lìnia (prus lestra)
• Ghia vocale chi t'agiudat in totu su biàgiu tuo (boghes registradas e sintetizadas)
• Indicadore de corsia optzionale, nùmenes de sas carreras e su tempus istimadu de arrivu
• Suportat puntos de coladòrgiu in s'àndala tua
• S'àndala si torrat a carculare cada borta chi b'essis a foras
• Chirca destinatzione impreende s'indiritzu, sa casta de elementu (es.: parchègiu, ristorante, albergu, istatzione de servìtziu, museu), o sas coordinatas geogràficas

Visualizatzione mapa
• Ammustra sa positzione e sa diretzione tua
• Alliniamentu optzionale de sa mapa regoladu sighende sa diretzione o sa bùssola
• Sarva sos logos prus importantes pro tene in sos Preferidos
• Ammustra sos PDI (puntos de interesse) a curtzu a tie
• Ammustra tasseddos ispetzializados in lìnia, vistas satellitares (dae Bing), istratos diferentes, comente rastas GPX pro su nàvigu, e àteros livellos cun trasparèntzia regolàbile
• Issèbera comente cheres bìdere sos nùmenes in sa mapa: in inglesu, limba locale, o in ortografia fonètica

Imprea datos de OSM e Wikipedia
 • Informatziones de calidade arta dae sos mègius progetos collaborativos de su mundu
• Datos OSM disponìbiles pro istadu o regione
• PDI de Wikipedia, ispantosos pro su turismu
• Iscarrigamentos de badas illimitados, diretamente dae s'aplicatzione
• Mapas vetoriales cumpatas agiornadas a su mancu una borta a su mese
 
• Issèbera intre sos datos intreos pro sas regiones o petzi sos de sas istradas (esèmpiu: totu su Giapone est 700 MB, sas istradas ebbia sunt 200 MB)

Funtzionalidades pro sa seguresa
• Muda automàtica optzionale de sa vista die/note
• Visualizatzione automàtica de su lìmite de lestresa, cun avisos cando lu bàrigas
• Ismanniamentu automàticu optzionale reguladu dae sa lestresa
• Cumpartzi sa positzione tua pro ti fàghere agatare dae sos amigos tuos

Funtzionalidades pro sas bitzicletas e a pee
• Podes agatare sas pistas tziclàbiles, pro escursionismu e pro passigiadas, ispantosas pro s'atividades a s'àera aberta
• Modalidades ispetziales pro sa navigatzione e sa mapa pro bitzicletas e a pee
• Firmadas de sos trasportos pùblicos (bus, tram, trenu) cun sos nùmenes de sas lìnias
• Registratzione de sos biàgios in rastas GPX in documentos sarvados in locale o in servìtzios in lìnia
• Podes bìdere sa lestresa e s'artària tua (optzionale)
• Impreende un'estensione podes abilitare sas curvas de livellu e sas umbraduras de sos rilievos

Agiuda a OSM
 • Sinnala errores in sos datos
 • Càrriga rastas GPX in OSM dae s'aplicatzione
 • Annanghe PDI e càrriga·los in OSM (fintzas prus a tardu, si non ses in lìnia)
 • Registratzione optzionale de sos biàgios fintzas in modalidade "in isfundu" (cando su dispositivu est in modalidade "a riposu")
OsmAnd est unu programma a mitza aberta in isvilupu ativu. Totu cantos podent contribuire a s'aplicatzione sinnalende errores, megiorende sas tradutziones o programmende funtzionalidades noas. Su progetu andat a in antis fintzas gràtzias a sas donatziones pro sa programmatzione e su collàudu de funtzionalidades noas. 
Cobertura e calidade aprossimativa de sas mapas:
 • Europa otzidentale: ****
 • Europa orientale: ***
 • Rùssia: ***
 • Amèrica de su Nord: ***
 • Amèrica de su Sud: **
 • Àsia: **
 • Giapone e Corea: ***
 • Oriente de mesu: **
 • Àfrica: **
 • Antàrticu: *
 Sa parte manna de sos istados de su mundu tenet una mapa chi si podet iscarrigare!
Dae s'Afgànistan a su Zimbabwe, dae s'Austràlia a sos Istados Unidos. Argentina, Brasile, Cànada, Frantza, Germània, Mèssicu, Regnu Unidu, Ispagna, …

Anti-funtzionalidades:
* Elementos non lìberos - Sas illustratziones e sas dispositziones sunt in suta de una litzèntzia non cummertziale.
